Showing posts with label நாட்டு நடப்பு / Latest News headlines.. Show all posts
Showing posts with label நாட்டு நடப்பு / Latest News headlines.. Show all posts
Monday, May 3, 2021
கணவனின் உயிரை காப்பாற்ற வாயோடு வாய் வைத்து சுவாசத்தை பரிமாறிய மனைவி! பின்னர் நடந்தது என்ன? மனதை உருக்கும் புகைப்படங்கள்
ம்
இந்தியாவில் ஆக்சிஜன் பற்றாக்குறையால் சுவாசிக்க போராடிய கணவனை காப்பாற்ற வாயோடு வாய் வைத்து சுவாவம் கொடுத்த மனைவியின் முயற்சி தோல்வியில் முடிந்தது சோகத்தை ஏற்படுத்தியுள்ளது.
இந்தியாவில் கொரோனா பாதிப்பு நாளுக்கு நாள் உச்சத்தை தொட்டு வரும் நிலையில் நாட்டின் பல இடங்களில் ஆக்சிஜன் தட்டுபாடும் நிலவுகிறது.
உத்தரப்பிரதேச மாநிலம் ஆக்ராவில் உள்ள சரோஜினி நாயுடு மருத்துவமனையில் ரவி சிங்கேல் என்பவர் கொரோனா பாதிப்பு சிகிச்சைக்காக அனுமதிக்கப்பட்டார்.
இந்நிலையில் அவரது உடல்நிலை மோசமடைந்து செயற்கை சுவாசத்தின் தேவை அதிகரித்தது. இந்த மருத்துவமனைக்கு அனுமதிக்கப்படுவதற்கு முன்பே அவரும் அவரது மனைவியும் பல மருத்துவமனைகளுக்குச் சென்று கொரோனா சிகிச்சை பெற முயற்சித்தனர்.
இதைத்தொடர்ந்து அவர்கள் அரசு மருத்துவமனைக்கு வந்து சேர்ந்தனர். அங்கு அனுமதிக்கப்பட்டபோதும், அவருக்குத் தேவைப்படும் ஆக்சிஜன் கிடைப்பதில் சிக்கல் ஏற்பட்டது.
இதனால் தனது கணவரைக் காப்பாற்ற மனைவி ரேணு சிங்கெல் வாயோடு வாய் வைத்து சுவாசத்தை பரிமாறினார். ஆனால் இவரது முயற்சி தோல்வியில் முடிந்து ரவி சிங்கேல் உயிரிழந்தார்.
இதுதொடர்பாக ஆக்ரா மருத்துவ அதிகாரி பாண்டே கூறுகையில் மாவட்டம் முழுவதிலும் ஆக்சிஜன் தட்டுப்பாடு அதிகரித்து வருகிறது. எங்களால் முடிந்த அளவிற்கு ஆக்சிஜன் இருப்பை அதிகப்படுத்த முயற்சிக்கிறோம் என்று கூறியுள்ளார்.
'உலகில், புதிய வைரஸ் நோய் உருவாகும்' என, ஆற்காடு பஞ்சாங்கம் முன்பே கணித்து கூறியுள்ளது, ஆச்சரியத்தை ஏற்படுத்தி உள்ளது.
உலகம் முழுவதும் பரவி வரும், 'கொரோனா' வைரஸ், மக்களை பீதியடைய செய்து வருகிறது. உலக நாடுகள் அனைத்தும், தடுப்பு நடவடிக்கைகளிலும், பாதுகாப்பு ஏற்பாடுகளிலும் தீவிரம் காட்டி வருகின்றன.இதுபோன்ற, புதிய வைரஸ் நோய் உருவாகும் என, ஆற்காடு பஞ்சாங்கம் முன்பே கணித்து சொல்லியுள்ளது.
விகாரி ஆண்டுக்கான பஞ்சாங்கத்தில், 'குரு பகவான் உடன்- சனி கூட்டணி ஏற்பட்டு, பிரம்மஹத்தி தோஷம் பெற்று இருப்பதால், உலகத்தில், புதிய கிருமி நோய் உருவாகும். எந்த கெட்ட பழக்கம் இல்லாதவர்களுக்கும், சிறுநீரக நோய், 'கேன்சர்' கடுமையாக பாதிக்கும். அதனால், மக்கள் கடும் அவஸ்தைப்படுவர்' என தெரிவிக்கப்பட்டுள்ளது. கடந்த, 2019 ஏப்., மாதம் வெளியான இந்த ஆற்காடு பஞ்சாங்கத்தில், உலகில் ஏற்பட்டவுள்ள பல்வேறு மாற்றம் குறித்து முன்னரே, துல்லியமாக கணித்து கூறப்பட்டுள்ள தகவல், சமூக வலைதளங்களில் பரவி வருகிறது. - நமது நிருபர் --
லண்டன் : பிரிட்டனில் நடந்த காமன்வெல்த் தின விழாவில் அரச குடும்ப உறுப்பினர்களாக கடைசி முறையாக இளவரசர் ஹாரி - மேகன் தம்பதி கலந்துகொண்டனர்.
பிரிட்டன் அரச குடும்பத்தைச் சேர்ந்த ராணி இரண்டாம் எலிசபெத்தின் மகன் சார்லஸ் மறைந்த- டயானா தம்பதியின் இளைய மகன் ஹாரி அமெரிக்க முன்னாள் நடிகை மேகன் மார்க்கலை 2018ல் திருமணம் செய்துகொண்டார். அவர்களுக்கு ஆர்ச்சி என்ற குழந்தை உள்ளது. இந்த தம்பதியினர் அரச குடும்ப வாழ்க்கையில் இருந்து வெளியேறுவதாக சமீபத்தில் அறிவித்தனர்.
இதையடுத்து ராணி இரண்டாம் எலிசபெத்தின் அனுமதியுடன் வட அமெரிக்காவின் கனடாவில் தங்கள் புதிய வாழ்க்கையை அவர்கள் துவங்கினர். இம்மாத இறுதியில் அந்த தம்பதி அரச பொறுப்புகளையும் பட்டங்களையும் துறக்க இருக்கின்றனர். இந்நிலையில் பிரிட்டனின் வெஸ்ட்மின்ஸ்டர் அபே பகுதியில் காமன்வெல்த் தின விழா நேற்று நடைபெற்றது. ராணி இரண்டாம் எலிசபெத் இளவரசர் சார்லஸ் - கமிலா இளவரசர் வில்லியம் - கேத் மிடில்டன்ஆகியோர் பங்கேற்ற அந்நிகழ்ச்சியில் இளவரசர் ஹாரியும் மேகன் மார்க்கலும் கலந்துகொண்டனர்.
நீல நிற 'கோட் சூட்டில்' வந்த ஹாரியையும் பச்சை நிற உடையில் வந்த மேகனையும் கண்டு மக்கள் ஆரவாரம் செய்தனர். அரச குடும்ப உறுப்பினர்களாக ஹாரி - மேகன் பங்கேற்ற கடைசி நிகழ்ச்சி இது என்பது குறிப்பிடத்தக்கது. இவ்விழாவில் பிரிட்டன் பிரதமர் போரிஸ் ஜான்சன் உள்துறை செயலர் ப்ரீத்தி பட்டேல் வெளியுறவுத்துறை செயலர் டாமினிக் ராப் உள்ளிட்ட பலரும் கலந்துகொண்டனர்.
Google ஐ மடக்கி யாழ் மாணவன் சாதனை! எப்படி சாத்தியமானது? தலைமை அலுவலகத்தில் கௌரவிக்க தயாராகும் கூகுள் நிறுவனம்
அன்றாடத் தேவைகளில் ஒன்றாக மாறியிருக்கிறது கூகுள் நிறுவனம். தேடி பொறியாக இருக்குக் கூகுளை பயன்படுத்தாதவர்கள் இல்லை என்கிற அளவிற்கு ஒட்டுமொத்த உலக மக்களையும் தன்னகத்தை வைத்திருக்கிறது.
யாழ் இந்துக் கல்லூரியில் உயிரியல் பிரிவில் கல்வி கற்கும் மாணவன் நித்தியானந்தன் மாதவன் Google Code-In 2019 போட்டியில் Grand Prize Winner பட்டத்தை வென்று அசத்தியிருக்கிறான்.
இவருக்கான கௌரவிப்பு விழா எதிர்வரும் ஜூன் மாதம் கலிபோர்னியாவில் உள்ள Google தலைமையகத்தில் நடைபெறவுள்ளது.
இது தொடர்பில் எமது தளத்திற்கு விரிவான கருத்துக்களை வழங்குகிறான் அம்மாணவன்,
S.P. Thas
courtesy;IBCTAMIL.tq.
---------------------------------------------
Sunday, March 1, 2020
குடியுரிமை சட்ட திருத்த மசோதா: முழுமையான விளக்கம் 500 வார்த்தைகளில்...........
படத்தின் காப்புரிமைGETTY IMAGES
பாகிஸ்தான், வங்கதேசம், ஆப்கானிஸ்தான் ஆகிய நாடுகளிலிருந்து இந்தியாவில் குடியேறிய முஸ்லிம் அல்லாத மதப் பிரிவினருக்குக் குடியுரிமை வழங்குவதற்கு வழிவகை செய்யும், குடியுரிமை சட்டத் திருத்த மசோதாவை மத்திய உள்துறை அமைச்சர் அமித்ஷா மக்களவையில் தாக்கல் செய்தார்.
சரி குடியுரிமை சட்டத் திருத்த மசோதா என்றால் என்ன?
பொதுவாக வெளிநாடுகளிலிருந்து வந்து இந்தியாவில் சட்டவிரோதமாக குடியேறியவர்கள் இந்தியக் குடிமகனாக முடியாது.
அவர்கள் பொதுவாக நாட்டைவிட்டு வெளியேற்றப்படுவார்கள் அல்லது சிறையில் அடைக்கப்படுவார்கள்.
ஆனால், இந்த சட்டத் திருத்தம் இதில் மாற்றம் கொண்டு வந்துள்ளது. அவர்களை இந்தியக் குடிமகனாக அங்கீகரிக்க வழிவகை செய்யப்படுகிறது.
கடந்த 1955-ஆம் ஆண்டு இயற்றப்பட்ட குடியுரிமைச் சட்டத்தில் 11 ஆண்டுகளுக்கும் மேலாக இந்தியாவில் வசிக்கும் வெளிநாட்டவருக்கு இந்தியக் குடியுரிமை வழங்கலாம் என்று விவரிக்கப்பட்டுள்ளது.
படத்தின் காப்புரிமைGETTY IMAGES
அந்தச் சட்டத்தில் திருத்தம் கொண்டுவரப்பட்டுள்ளது, பாகிஸ்தான், வங்கதேசம், ஆப்கானிஸ்தானை சேர்ந்த ஹிந்துக்கள், சீக்கியர்கள், பௌத்தர்கள், சமணர்கள்,பார்சி இனத்தவர், கிறிஸ்தவர்கள் ஆகியோருக்கு உரிய ஆவணங்கள் எதுவுமில்லை என்றாலும், இந்தியாவில் குறைந்தது 6 ஆண்டுகள் வசித்தாலே அவர்களுக்கு இந்தியக் குடியுரிமை வழங்கலாம் என்பதே அந்த திருத்தம்.
மேலும், கடந்த 2014-ஆம் ஆண்டு டிசம்பர் 31-ஆம் தேதிக்கு முன் குடியேறியவர்களுக்கு இந்தியக் குடியுரிமை வழங்கலாம் என்றும் இந்த மசோதாவில் கூறப்பட்டுள்ளது.
இதனை எதிர்ப்பவர்கள் கூறுவது என்ன?
மதச்சார்பின்மை எனும் இந்தியாவின் அடித்தளத்தையே இது சிதைத்துவிடும் என்கிறார்கள் இந்த மசோதாவை எதிர்ப்பவர்கள்.
படத்தின் காப்புரிமைGETTY IMAGESImage captionகுடியுரிமை சட்டத் திருத்த மசோதாவை எதிர்க்கும் மாணவிகள்
மதத்தை அடிப்படையாகக் கொண்டு குடியுரிமை வழங்கப்படுவதை எதிர்க்கட்சிகள் எதிர்கின்றன.
இந்திய அரசமைப்பு மதத்தைப் பெயரால் ஒருவரை பாகுபாட்டுடன் நடத்தக் கூடாது என்கிறது.
அதுமட்டுமல்லாமல் அனைவரையும் சமமாக நடத்த வேண்டும் என்றும் குறிப்பிடுகிறது. ஆனால், இது மதபாகுபாட்டிற்கு சட்ட அங்கீகாரம் தருகிறது இந்த சட்டம் திருத்தம் என்கிறார்கள் இதனை எதிர்ப்பவர்கள்.
சிறுபான்மையினருக்குப் பாதுகாப்பு வழங்குவதற்காகத்தான் இந்த சட்டம் என்றால் இதில் இஸ்லாமியர்களையும் சேர்த்து இருக்க வேண்டும். ஏன் பாகிஸ்தான் அகமதியாக்களையும், மியான்மர் ரோஹிஞ்சாகளையும் விட்டுவிட்டார்கள் என கேள்வி எழுப்புகிறார்கள் அவர்கள்.
டெல்லியை சேர்ந்த வழக்கறிஞர் கெளதம் பாட்டியா, வெளிப்படையாகவும் அப்பட்டமாகவும், மத பாகுபாட்டிற்குச் சட்ட அங்கீகாரம் தருகிறது இந்த சட்டத் திருத்தம் என்கிறார்.
இலங்கையில் இன்னல்களை சந்தித்த இலங்கை தமிழர்களை ஏன் இந்த பட்டியலில் சேர்க்கவில்லை என்ற கேள்வியையும் முன் வைக்கிறார்கள்.
காங்கிரஸ், திமுக, திரிணாமூல் காங்கிரஸ், பகுஜன் சமாஜ், சமாஜ்வாடி கட்சி, சிபிஎம், சிபிஐ, தேசியவாத காங்கிரஸ், ராஷ்டிரிய ஜனதா தளம், ஆம் ஆத்மி, மக்கள் ஜனநாயகக் கட்சி, மதசார்பற்ற ஜனதாதளம் ஆகிய கட்சிகள் இதனை எதிர்கின்றன.
கண்களுக்குப் புலப்படாத வகையில் இந்து-முஸ்லிம் பிரிவினைவாதத்தை முன்னெடுக்கிறது இந்த சட்டதிருத்தம் என சிவசேனை சாம்னாவில் தலையெங்கம் எழுதியது.
ஆனால், நாடாளுமன்றத்தில் இதனை ஆதரித்து இருக்கிறது சிவசேனை.
நாடாளுமன்றத்தில் இந்த சட்டத்திருத்தம் அறிமுகப்படுத்தப்பட்டபோது, இதனைக் கடுமையாக திமுக நாடாளுமன்ற உறுப்பினர்கள் எதிர்த்து இருக்கிறார்கள்.
அதிமுக இந்த சட்டமசோதாவை ஆதரித்துள்ளது.
தேசிய குடிமக்கள் பதிவேட்டுக்கும் இதற்கும் என்ன சம்பந்தம்?
இரண்டுக்கும் நெருக்கமான தொடர்பு உள்ளது.
படத்தின் காப்புரிமைGETTY IMAGES
அஸ்ஸாமில் சட்டவிரோதமாகக் குடியேறியவர்களைக் கண்டறியும் நோக்கில், தேசிய குடிமக்கள் பதிவேடு (என்ஆா்சி) நடவடிக்கை அண்மையில் மேற்கொள்ளப்பட்டது.
அதற்கான நிர்ணயிக்கப்பட்ட தேதி, 1971-ஆம் ஆண்டு மார்ச் 24-ஆக இருந்தது. என்ஆா்சி நடவடிக்கையின்படி, அஸ்ஸாம் மக்கள் மேற்குறிப்பிட்ட காலகட்டத்துக்கு முன்னதாக இந்தியாவில் வசித்து வந்தவா்கள் என்பதை நிரூபிக்க வேண்டும்.
இந்த நடவடிக்கை மதத்தை அடிப்படையாகக் கொண்டது அன்று. அதே வேளையில், குடியுரிமை சட்டத் திருத்த மசோதா மதத்தை அடிப்படையாகக் கொண்டது.
அதேநேரம் தேசிய குடிமக்கள் பதிவேட்டில் விலக்கப்பட்ட வங்கதேச இந்துக்களுக்குக் குடியுரிமை வழங்க இந்த குடியுரிமை சட்டத் திருத்த மசோதா வழிவகை செய்கிறது.
அப்படியானால், தேசிய குடிமக்கள் பதிவேட்டில் விலக்கப்பட்ட ஆயிரக்கணக்கான குடியேறிகள் இந்த குடியுரிமை பெற்று அஸ்ஸாம் மாநிலத்திலேயே தங்க முடியும்.
இதன் காரணமாக வடகிழக்கு மாநிலத்தைச் சேர்ந்த பல அமைப்புகள் குடியுரிமை சட்டத் திருத்த மசோதாவை எதிர்கின்றன.
விலக்கப்பட்ட பகுதிகள் என ஏதேனும் இருக்கிறதா?
நுழைவு அனுமதிப் படிவம் (இன்னா்-லைன் பொ்மிட்) மூலம் பாதுகாக்கப்பட்டு வரும் அருணாசலப் பிரதேசம், நாகாலாந்து, மிசோரம் ஆகிய பகுதிகளுக்கும் சட்டத் திருத்த மசோதாவில் விலக்கு அளிக்கப்பட்டுள்ளது.
ஆதரிப்பவர்கள் என்ன சொல்கிறார்கள்?
பாகிஸ்தான், ஆப்கானிஸ்தான், வங்கதேசம் ஆகிய மூன்று நாடுகளும் இஸ்லாமியப் பெரும்பான்மை நாடுகள். ஒன்று அரசே இஸ்லாமிய அரசாக இருக்கிறது, அல்லது அங்கு இஸ்லாமிய ஆயுதக்குழுக்கள் ஆதிக்கம் செலுத்துகின்றன. அவர்கள் அங்குள்ள சிறுபான்மை மக்களைக் குறிவைத்துத் தாக்குகிறார்கள். அவர்களுக்குப் பாதுகாப்பு தேவை என சிவராஜ் இதழின் ஆசிரியர் ஆர் ஜெகநாதன் இந்த குடியுரிமை சட்டத் திருத்த மசோதாவை ஆதரித்து இருந்தார்.
அரசு என்ன சொல்கிறது?
படத்தின் காப்புரிமைGETTY IMAGES
குடியுரிமை பெறக் குறிப்பிட்ட பிரிவினா் அனுபவிக்கும் துயரங்களைப் போக்குவதற்கு இந்த மசோதா வழிவகுக்கும் என்று மத்திய அரசு தெரிவித்துள்ளது.
இந்த சட்ட மசோதாவை அறிமுகப்படுத்தி பேசிய அமித்ஷா, "காங்கிரஸ்தான் மதத்தின் பெயரால் நாட்டை பிரித்தது. அதனை சரி செய்யவே இந்த சட்டமசோதா" என்றார்.
"ஏற்கெனவே வங்கதேச பிரிவினையின் போதும், உகாண்டாவில் இந்தியாவை பூர்வீகமாக கொண்ட வர்கள் தாக்கப்பட்ட போதும் சில சட்டப்பிரிவுகளை பயன்படுத்தி அங்கிருந்து வந்தவர்களுக்கு குடியுரிமை வழங்கப்பட்டு இருக்கிறது," என்று தெரிவித்தார் அமித்ஷா.
"இது .001 சதவீதம் கூட சிறுபான்மை மக்களுக்கு எதிரானது இல்லை. இது ஊடுருவல்காரர்களுக்கு எதிரானது," என்றார்.
இந்த சட்டதிருத்த மசோதாவை ஆதரித்து 293 நாடாளுமன்ற உறுப்பினர்களும் , எதிர்த்து 82 உறுப்பினர்களும் வாக்களித்துள்ளனர்.
courtesy;BBCTAMIL.
============================================
Monday, February 24, 2020
நம் நாட்டின் மிகப் பெரிய வரவேற்பால் டிரம்ப் உச்சக்கட்ட மகிழ்ச்சி!