Atma Vicharam 6 - ஆத்ம விசாரம் , நித்யவிதி வாசோதகம், ஆடை காட்டும் ஆன்ம...

 

========================

எதனால் ஏற்படுகிறது பித்ரு தோஷம்? முன்னோர் ஆசி கிடைக்கப் பரிகாரங்கள்..! எஸ்.கதிரேசன் ============================== அமாவாசை அன்று, ஆறு, குளம், கடல் என்று புனித நீர்நிலைகளில் நீராடி, முன்னோர்களுக்கு தர்ப்பணம் கொடுத்து வழிபடுவது வழக்கம். இப்படி நம் முன்னோர்களை நினைத்து தர்ப்பணம் கொடுத்து வழிபடாவிட்டால், நமக்கு பித்ரு தோஷம் ஏற்பட்டு, நம் வாழ்க்கையிலும் சரி, நம் சந்ததியினரின் வாழ்க்கையிலும் சரி பல வகையான பிரச்னைகள் தோன்றி வேதனைப்படுத்தும். எனவே, அமாவாசை அன்று முன்னோர்களை வழிபடுவது மிகவும் உத்தமம். அதனால் முன்னோர்களின் ஆசிகள் நமக்குக் கிடைக்கும். முன்னோர் வழிபாடு முறைப்படி செய்யாதவர்களுக்கு பித்ரு தோஷம் ஏற்படுகிறது. ஒருவரின் ஜாதகத்தில் பித்ரு தோஷம் இருந்தால் எப்படி கண்டுபிடிப்பது என்பது பற்றியும், உரிய பரிகாரங்கள் பற்றியும் ஜோதிட நிபுணர் ஆஸ்ட்ரோ கிருஷ்ணனிடம் கேட்டோம். எதனால் ஏற்படுகிறது பித்ரு தோஷம்? முன்னோர் ஆசி கிடைக்கப் பரிகாரங்கள்..! ''இந்த உலகத்தில் நாம் வந்து பிறந்து இந்த வாழ்க்கையை அனுபவிப்பதற்கு முதற் காரணம் நம்மைப் பெற்றவர்கள்தான் என்பது நம் எல்லோருக்கும் தெரிந்த உண்மை. நம்மை நல்ல முறையில் வளர்த்து ஆளாக்கிய அவர்களுக்கு அவர்கள் உயிரோடு இருக்கும்போதே நாம் செய்ய வேண்டிய கடமைகள் ஏராளமாக இருந்தாலும், அவற்றில் சிறிதளவாவது அவர்கள் மனம் குளிரும்படி செய்திருக்கிறோமா எதனால் ஏற்படுகிறது பித்ரு தோஷம்? முன்னோர் ஆசி கிடைக்கப் பரிகாரங்கள்..! என்று எண்ணிப் பார்க்கவேண்டும். அதில் நாம் ஏதாவது குறையோ அல்லது தவறோ செய்து, அதற்குள் அவர்கள் அமரராகி விட்டால், அவர்களுக்கு நாம் செய்யவேண்டிய 'பித்ரு கடன்'களை வருடா வருடம் நாம் தவறாமல் செய்யவேண்டியது நமது தலையாய கடமையாகும். அதாவது நமக்கு 365 நாள்கள் என்பது நமது பித்ருக்களுக்கு ஒரு நாளாகும். எனவே, அவர்களுக்கு ஒவ்வொரு நாளும் நாம் உணவளிக்க வேண்டும். அதாவது நமது கணக்குப்படி வருடத்துக்கு ஒரு முறை அவர்களுக்குச் செய்யவேண்டிய பித்ரு கர்மாக்களை அவர்கள் இறந்த திதியில் ஒரு புரோகிதரை அழைத்து முறைப்படி செய்து நம் முன்னோர்களுக்கு பிண்டம் (உணவு) அளிக்கவேண்டும். அப்படி நாம் செய்யத் தவறிவிட்டால், நம் பித்ருக்களின் மனம் வருத்தம் அடையும். அந்த வருத்தமே நமக்கு பித்ரு தோஷத்தை ஏற்படுத்துகிறது. பித்ரு தோஷம் நமக்கு மட்டுமல்லாமல், நம் சந்ததியினருக்கும் ஏற்பட்டுவிடுகிறது. நமக்குப் பிறக்கும் குழந்தைகளின் ஜாதகம் மூலமாக பித்ரு தோஷம் இருப்பதை நாம் தெரிந்துகொள்ளலாம். இதை நாம் கவனிக்காமல் இருந்து விட்டோம் என்றால் நாம் நம் வாழ்க்கையில் அநேக துன்பங்களை சந்திக்க நேரிடும். அது தொடர்கதையாக நம் வாழ்க்கையிலும் நம் குழந்தைகளின் வாழ்க்கையிலும் தொடர்ந்து வந்துகொண்டிருக்கும்போதுதான் நாம் நம் ஜாதகத்தை எடுத்துக்கொண்டு ஒரு ஜோதிடரை நோக்கிப் போகிறோம். அது எந்த அமைப்பில் இருக்கும் என்பது பற்றியும் அதற்கு என்ன பரிகாரம் என்பது பற்றியும் இங்கு பார்ப்போம். எதனால் ஏற்படுகிறது பித்ரு தோஷம்? முன்னோர் ஆசி கிடைக்கப் பரிகாரங்கள்..! * குருவானவர் ராகு, கேதுவின் நட்சத்திரத்தில் நின்றாலோ, அல்லது குருவானவர் ராகு, கேது சேர்க்கை பெற்று ராசியிலும், நவாம்சத்திலும் இருந்தால் தோஷம். * சூரியன், சந்திரன் செவ்வாயின் ராசி அல்லது செவ்வாயின் நவாம்ச வீட்டில் இருந்து அது பாதக ஸ்தானம் பெற்றால் தோஷம். * கடகம், சிம்மம் லக்னத்துக்கு பாதக ஸ்தானம் பெற்று, அதில் கொடிய பாவி இருந்தால் பித்ரு தோஷம் வரும். எதனால் ஏற்படுகிறது பித்ரு தோஷம்? முன்னோர் ஆசி கிடைக்கப் பரிகாரங்கள்..! * சூரியன் பாதிக்கப்பட்டு கொடிய பாவியுடன் சேர்ந்தாலோ அல்லது சந்திரன் பாதிக்கப்பட்டு கொடிய பாவியுடன் சேர்ந்தாலோ பித்ரு தோஷம் தந்தை வழியிலோ, தாய் வழியிலோ ஏற்பட்டிருக்கலாம் என்பதைக் காட்டுகிறது. * 6-ம் வீட்டுக்கு உடையவர் 9-ம் வீட்டில் இருந்தாலும் அல்லது 9-ம் வீட்டுக்கு உடையவர் 12 -ம் வீட்டில் இருந்தாலும் தந்தையும் அவரது முன்னோர்களும் மகிழ்ச்சியாக இல்லை என்பதால் பித்ரு தோஷம் ஏற்பட்டிருக்கும். * சந்திரன் 6-ம் வீட்டில் இருந்தாலும், அல்லது 6-ம் வீட்டுடன் தொடர்பு கொண்டாலும் தாயும் அவரது முன்னோர்களும் ஜாதகரிடத்தில் மகிழ்ச்சியாக இல்லை என்பதைத் தெரிந்துகொள்ளலாம். பரிகாரம் : அனுஷம், பூசம், புனர்பூசம், விசாகம், பூரட்டாதி, திருவாதிரை, சுவாதி, சதயம், அவிட்டம் இந்த நட்சத்திரத்தில் அமாவாசை வருமானால், அன்றைய தினம் சிராத்தம் செய்தால், பித்ரு தோஷம் நீங்கும்.

மஹாளய பக்ஷத்தில் வரும் பரணி நட்சத்திரத்தில் திதி கொடுத்தால் மிகவும் விசேஷமாகும். ஏனென்றால் இந்த பரணி மஹா பரணி எனப்படும். அட்சய திரிதியை வரும் நாளில் பித்ருக்களுக்கு சிராத்தம் செய்தால் பித்ரு தோஷம் நீங்கும். இந்தக் கட்டுரைகளையும் படிக்கலாமே! மேற்கூறிய நாள்களில் சிராத்தம் செய்தாலோ, அல்லது காளஹஸ்தி சென்று அங்கு 'பித்ரு பூஜை' செய்தாலோ பித்ரு தோஷம் நிவர்த்தி ஆகி சகல செளபாக்யங்களும் வந்து சேரும்" என்று தெரிவித்தார். சிவமயம் - 18 VIKATAN NEWS

===============================================

பித்ரு தோஷம், பித்ரு சாபம் எதுவாக இருந்தாலும் அதை உடனடியாக நிவர்த்தி செய்து, அவர்களுடைய மனம் குளிர்ந்து உங்களை வாழ்த்த, இந்த ஒரு தீபத்தை, வீட்டில் ஏற்றி வைத்தால் எப்போதுமே! By Rajesh -Oct 31, 2020, 10:44AM IST

ஒருவருடைய ஜாதகத்தில் பித்ரு தோஷம், பித்ரு சாபம் இருந்தால், அவர்களுடைய வாழ்க்கையில் பல தடைகள் ஏற்படும். முன்னேற்றம் இருக்காது. அந்த பரம்பரையில் யாருக்காவது ஒருவருக்கு திருமணம் ஆகாமல் இருக்கும். குழந்தை பேறு தள்ளிப் போகும். வீட்டில் உள்ளவர்களுக்கு தீராத நோய் இருக்கும். மருத்துவ செலவு ஏற்பட்டுக்கொண்டே இருக்கும்? எவ்வளவுதான் சொத்து வந்து கொண்டே இருந்தாலும், அது தங்காது. அந்த சொத்து, ஏதாவது ஒரு விதத்தில் நஷ்டம் ஆகிக்கொண்டே இருக்கும். அதாவது, சொத்தை விற்று மருத்துவ செலவு, வீண் விரயங்கள் செய்து கொண்டிருப்பார்கள். சொத்தை விற்று வந்த பணத்தில் சுப செலவு செய்தால் கூட மனநிறைவு கிடைக்கும். சொத்தை விற்று திருமணம் செய்தோம் அல்லது வேறு இடத்தில் வீடு கட்டினோம் என்று கூட அவர்களால் அந்த பணத்தை நல்லபடியாக செலவு செய்ய முடியாது.

அந்த பணத்தை மருத்துவமனைக்காக செலவு செய்வார்கள். இப்படிப்பட்ட பல பிரச்சனைகள் வருவதற்கு காரணம் உங்கள் ஜாதக கட்டத்தில் இருக்கும் பித்ரு தோஷம் பித்ரு சாபம் ஆக கூட இருக்கலாம். நம்முடைய முன்னோர்கள் இறந்த பின்பு அவர்களுக்கு செய்ய வேண்டிய, கடமைகளை சரியாக செய்யாதவர்கள், முன்னோர்களை மறந்தவர்களுக்கு ஜாதக கட்டத்தில் இப்படி ஒரு பிரச்சனை இருக்கும். நம்மை விட்டு பிரிந்த ஆன்மாக்கள் என்றுமே நம்மை சாபிகிக்காது. நம்மை மறந்து விட்டார்களே! என்ற முன்னோர்களின் அந்த ஏக்கம் கட்டாயம் நமக்கு ஒரு தோஷமாக மாறி விடும். இந்த தோஷம் நம்முடைய பரம்பரைக்கே தொடரும்.

நம்முடைய குலம் தழைக்க, குலம் நன்றாக வாழ்வதற்கு, எதிர்பாராத ஆபத்துக்களை நம்மிடம் வராமல் தடுப்பதற்கு, முன்னோர்களின் ஆசீர்வாதம், குலதெய்வத்தின் ஆசிர்வாதமும் கட்டாயம் தேவை. தினம் தோறும் இறை வழிபாடு செய்யும் போது, முன்னோர்களை நினைத்து அவர்களை நீங்கள் மறக்கவில்லை, என்பதற்காக ஒரு நன்றியை தெரிவித்துக் கொள்ளுங்கள். குலதெய்வத்தின் பெயரை உச்சரித்து குலதெய்வத்தையும் தினந்தோறும் நினைவுகூர்ந்து கொண்டே இருங்கள். இது வாழ்நாள் முழுவதும் உங்கள் வாழ்க்கையை நல்லபடியாக வழிநடத்திச் செல்ல துணைபுரியும் ஒரு வழிபாட்டுமுறை. அடுத்தபடியாக, முன்னோர்களின் ஆன்மாவை தீபச் சுடரின் மூலம் நம்மால் உணரமுடியும். நம்முடைய முன்னோர்களின் ஆத்மாக்களும் தீபச்சுடரில் காட்சி தந்து, நமக்கு ஆசீர்வாதத்தை வழங்க முடியும்.

இதன்படி ஒரு மாதத்திற்கு ஒரு முறையோ அல்லது 48 நாட்களுக்கு ஒரு முறையோ, உங்களுடைய வீட்டில் முன்னோர்களை நினைத்து ஒரு தீபம் ஏற்றி வைக்கப்படவேண்டும். அந்த தீபம் மண்ணால் செய்யப்பட்ட அகல் தீபம் ஆக இருக்கவேண்டும். நல்லெண்ணெய் ஊற்றி திரி போட்டு தீபம் ஏற்றவேண்டும். இரவு நேரத்தில் உங்களுடைய வீட்டில் ஏதாவது ஒரு மூலையில், ஒரு தாம்பூலத் தட்டை வைத்து, அதன் மேல் மண் அகல் தீபத்தை வைத்து, எண்ணெய் ஊற்றி திரி போட்டு தீபத்தை ஏற்ற வேண்டும். தீபம் ஏற்றும் போது உங்களுடைய முன்னோர்களை மனதார நினைத்து கொண்டு ஏற்றங்கள். அந்த தீபத்திற்கு பக்கத்திலேயே ஒரு சொம்பு நிறைய, குறைய தண்ணீர் வைக்க கூடாது. சொம்பு நிறைந்து சுத்தமான நல்ல தண்ணீரை வைத்து விடுங்கள். இரவு முழுவதும் அந்த தண்ணீரும் அந்த தீபாவும் அப்படியே இருக்கட்டும். எண்ணெய் தீரும் வரை தீபம் எரிந்து குளிர்ந்தால் தவறு ஒன்றும் கிடையாது.

அன்றைய இரவு உங்களுடைய முன்னோர்கள் அந்த தீப ஒளியின் மூலம் உங்களுடைய குடும்பத்திற்கான ஆசீர்வாதத்தை மனம் குளிர்ந்து வழங்குவார்கள். அவர்களை நினைத்து அந்த தீபத்தை நீங்கள் தொடர்ந்து மாதத்திற்கு ஒருமுறை ஏற்றி வைத்துக் கொண்டு வந்தாலே, உங்கள் ஜாதக கட்டத்தில் இருக்கும் பித்ரு தோஷத்தால் ஏற்படும் கஷ்டங்கள், படிப்படியாக குறைய ஆரம்பிப்பதை உங்களால் உணர முடியும். வீட்டில் எல்லோரும் தூங்கச் சென்ற பின்பு ஒருவர் மட்டும் இந்த தீபத்தை ஏற்றி வைத்து விட்டு தூங்கச் சென்றுவிடுங்கள். நீங்கள் உறங்கும் இடத்தில் இந்த தீபத்தை ஏற்றி வைக்க வேண்டாம். படுக்கை அறையில் துங்கினால், ஹாலில் இந்த தீபத்தை ஏற்றலாம்.

உங்கள் வீட்டு பால்கனியில், திண்ணைப் பகுதியில் எங்கு வேண்டுமென்றாலும் இந்த தீபம் ஏற்றலாம் தவறில்லை. உங்களுடைய ஜாதக கட்டத்தில் பித்ரு தோஷமும் சாபமும் எதுவுமில்லை. இருப்பினும் உங்கள் வீட்டில் தொடர் கஷ்டங்கள் தீராத துயரங்கள் இருந்து கொண்டே வருகிறது எனும் பட்சத்தில் நீங்களும் இந்த பரிகாரத்தை செய்யலாம்.

முன்னோர்களின் ஆசீர்வாதம் கிடைத்து, அவர்களுடைய மனம் குளிர்ந்து, உங்களை ஆசீர்வதித்து, உங்கள் வாழ்க்கையில் வரக்கூடிய பல பிரச்சனைகள் காற்றோடு கரையும் கற்பூரம் போல, காணாமல் போகும் என்ற கருத்தை முன்வைத்து இந்த பதிவினை நிறைவு செய்து கொள்ளலாம்.

=============================================

==============================================

களத்திர தோஷம்.............

பித்ரு தோஷம் இருந்தால் அதுக்கு பரிஹாரம் செய்துட்டு திருமணம் செய்ய வேண்டும் ஆனா இன்னிவரையிலும் பண்ணவே இல்லை. அது அப்படித்தான் பண்ணும் என்று சொல்லி விட்டு விவரிக்க ஆரம்பித்தார்.

இருவர் இணையின் விவாஹம். கன்னியை தானமாக பெறுவதால் கன்யாதானம், கையைப் பிடிப்பதால் பாணிக்கிரணம் என்று சாஸ்திர சம்பிரதாயம் கூறுகிறது. இருமனம் கலந்தால் திருமணம் என்று பெரியோர்கள் நல்லாசி வழங்குகிறார்கள்.

தவ ஸ்ரேஷ்டர்களில் தலை சிறந்தவர், ராஜகுரு, பிரஹஸ்பதி என்று அழைக்கப்படும் குரு ஆவர். அசுரர்களில் சுக்கிரன் ஆவர். சுக்கிரன், சூரியனை மையமாக அமைத்து சுற்றி வரும் எட்டு கிரகங்களில் முதன்மை பெறுவது புதன், இரண்டாவது வலம் வருவது சுக்கிரன் தான் சுக்கிரன் களத்திர காரகன், (கணவன், (அ) மனைவி) இல்லறம் போன்ற இன்ப உணர்ச்சிக்கு, காமத்திற்கு களவியலுக்கு, காதலுக்கு, காரகம் வகிக்கிறார். ஆகவே ஒருவருக்கு நல்ல மனைவி அல்லது கணவன் அமைய ஒருவருடைய ஜாதகத்தில் ஏழாமிடம் சுத்தமாக அமையப் பெற்று இருப்பின் நல்ல தாம்பத்திய வாழ்க்கை ஏற்படும்.

களத்திர காரகனான சுக்கிரன் நல்ல நிலை யில் சுப ஸ்தானாதிபத்தியம் பெற்றிடவும், 7 மிடத்து அதிபதிக்கும், சுக்கிரனுக்கும், பாபர்களின் திருஷ்டி, சேர்க்கை இல்லாமல் சுபர் பார்வை பெற்றிருந்திடின் இல்லறம் என்ற நல்லறம் அமைத்து நீடூழி வாழ்வார்.

ஜாதகத்தில் பனிரெண்டு பாவங்களுமே முக்கியமானவைகள் தான். எந்த பாவத்தை யும் குறைத்தோ, உயர்த்தியோ சொல்ல முடியாது. எந்த விதமான பேதமும் பார்க்க முடியாது. இதில் இலக்ன பாவமே முதலிடம் வகிக்கிறது. இது உதய இலக்கினம் எனப்படும். இந்த பாவத்திற்கு எதிரில் உள்ள பாவமே களத்திர பாவம் அல்லது களத்திர ஸ்தானம் எனப்படும்.

களத்திர பாவம் என்றால் கணவன் அல்லது மனைவியைப் பற்றி கூறும் இடமாகும். குறிப்பிட்ட வயதில் தாயார், தந்தையார் ஆதரவோடு வளர்ந்து வரும் நாம் தோராயமாக 21 வயது அதற்கு மேற்பட்டு திருமண பந்தத்தில் பிணைக்கப்பட்டு வரும் மனைவியோ அல்லது கணவருடனோ இணைந்து கடைசி காலம் வரை வாழ்ந்து விடுகிறோம். ஆனால் எல்லோரும் சிறப்பாக இருக்கின்றனரா என்றால்? இல்லை என்பது தான் பதில். திருமண பந்தம் என்பதே இணைந்து வாழ்வது தானே? அதை விட்டு ஏன் பிரிவு, பிரச்சனை வந்தது என மனதில் கேட்டுக் கொண்டால் இது தான் களத்திர தோஷமா என்பதை விளங்கிக் கொள்ளலாம்.

திருமணங்கள் சொர்க்கத்தில் நிச்சயிக்கப் படுவதாக ஐதீகம். ஆனால் உண்மையில் கலியுகத்தில் ஜோதிடர்களால் நிச்சயிக்கப்படு கின்றன என்பதே உண்மையிலும் உண்மை. ஆனாலும் அனைத்து ஜோதிடர்களும் என் போன்று அனுபவத்தையும் சேர்த்து பார்ப்பவர்கள் மிகவும் குறைவு. சரியான ஜோதிடரை தேர்ந்து எடுப்பதும் மக்களின் தலையாய கடமையாகும்.

ஒரு சில ஜாதகத்தில் தோஷத்தையோ, குறை களையோ ஒரளவு சரி செய்யலாம் என்றா லும் கூட சில ஜோதிடர்களால் குறைகளும் தோஷங்களும் அதிகமாகி விடுகிறது. ஆண், பெண் இருவரின் ஜாதகத்தில் ஏதேனும் குறைகள் உள்ளதா, அது எந்த அளவு உள்ளது என்பதை பார்ப்பது கிடையாது.

நட்சத்திர பொருத்தத்தை பார்த்து 10க்கு 9 உள்ளதா! ஆஹா பேஷ் நன்னா செய்திட லாம் என சர்டிபிகேட் தந்துவிடுபவர்கள் தான் அதிகம்.

திருமணத்துக்கு பிறகு சிறிது காலம்கூட ஆகாத நிலையில், கோர்ட், வம்பு, சண்டை என்று விவாக ரத்து வரை சென்று விடுகிறது. ஏன் இந்த நிலை? களத்திர தோஷ ஆய்வு சரியில்லை என்று தானே அர்த்தம். ஜாதகத்தை உற்று நோக்காததால் வந்த பரிதாப நிலை.

ஒவ்வொரு பாவத்தையும் ஆராயும்போதே வேறு பாவங்களும் அதனுடன் சம்பந்தப்படும், அவற்றையும் ஆராய்ந்தே சேர்க்க வேண்டும். இதே போல் நட்சத்திர பொருத்தத்தை வைத்து சேர்த்து இன்று பரிதாப நிலையில் நிற்கும் இந்த பெண்ணின் ஜாதகத்தை பாருங்கள். களத்திர தோஷம் எவ்வாறு பின்னி உள்ளது என்பதை சொல்றேன் கேட்டுக்கோ பிச்சுமணி.

பிறந்த தேதி.29.3.1971. பரணி நட்சத்திரம். கன்னி லக்னம், விருச்சித்தில் குரு (வக்கிரம்) தனுசு-செவ்வாய், மகரத்தில் ராகு, கும்பத் தில் சுக்கிரன், மீனத்தில் சூரியன், மேஷத்தில் புதன், சனி, சந்திரன் கடகத்தில் கேது.

நளினமும், சாதுர்யமும் கொண்ட கன்னி இலக்னம், நல்ல அழகான பெண் தான். ஆனால் களத்திரம் நன்கு அமையவில்லை. ஜாதகத்தில் 2,7,8ல் சூரியனோ, செவ்வாயோ அல்லது இருவரும் கூடியோ நின்றுவிட்டால் நன்கு பரிசீலித்த பின்பே இணைக்க வேண்டும். இதை பலமுறை சொல்லி இருக்கிறேன். இந்த ஜாதகத்தில் 7ல் சூரியன் 12க்குடையவன் வீற்றிருக்க, 7ம் அதிபதி வியாழனோ 3ல், ஆனாலும் 7ம் இடத்தை பார்த்திருக்கிறார். இருந்தாலும் என்ன பயன் வியாழன் வக்கிரமாக இருக்கார். களத்திர தோஷம் இதிலேயே பின்ன ஆரம்பித்து விட்டது பாத்தாயா. முதலில் குடும்ப ஸ்தானாதிபதி சுக்கிரன் 6ல் எனவே சிறப்பான குடும்பம் அமையாது என்று அப்பவே சொன்னேன். அந்த சுக்கிரனே களத்திரகாரகர் ஆகி 7க்கு 12ல் மறைந்தே விட்டார். சுக்கிரன் பொதுவாகவே நல்ல இடங்களில் இருந்தால் தான் ஒழுங்கான

கணவன் மனைவி அமைய முடியும்.

மேலும் மாங்கல்ய ஸ்தானமான 8ல் சனி, 8க்கு 8ல் வியாழன் நின்று விட்டார்.

இன்னொரு திருமணம் செய்யலாம் என்றால் 11க்குடைய சந்திரனும் அஷ்டமத் தில் நின்று ஆட்டம் கண்டுவிட்டார்.

அஷ்டமாதிபதி செவ்வாயோ நாலில் நின்று இவரின் சுகஸ்தானத்தை தடை செய்கிறார். விதிதான் சரியில்லை மதியாவாது நன்றாக உள்ளதா என்றால் ஒரளவு பரவா யில்லை. ராசிக்கு 8ல் மட்டுமே 8க்கு உடையவருடன் வியாழன் பரிவர்த்தனை பெற்று உள்ளார்.

இதனாலேயே கணவர் சிறப்பாக இருக்க வில்லை. கணவர் மனைவியிடம் எதையோ எதிர்பார்க்கிறார். அது மனைவியிடம் இருந்து கிடைக்கவில்லை. எனவே தடம் மாறிவிட்டார் என்று ஒரே வரியில் பதில் சொல்லி விடலாம்.

இவற்றிற்கெல்லாம் அச்சாணியாய் 5ல் ராகு, 5க்குடையவன் நீசம், பூர்வ ஜென்ம கர்மதோஷம் சமீப காலமாக பூர்வஜென்ம கர்மதோஷம் என்பது அதிகமாகிக் கொண்டே வருகிறது என்பதே உண்மை. நான் பலமுறை சொல்லி இருக்கிறேன். திதி, தர்ப்பணங்களை விடாமல் செய்யுங்கோ.

குடும்பத்திற்கு நல்லது கீழ் வாரிசுகள் நன்னா இருப்பா என்று. இத்தனை தோஷங்களும் அதாவது, களத்திர தோஷம், மாங்கல்ய தோஷம், பூர்வஜென்ம கர்மதோஷம், குடும்ப தோஷம், சுகஸ்தானத்தில் தோஷம் என பல தோஷங்களின் பிடியில் சிக்கி உள்ளது இவ ஜாதகம். பார்த்தாயா பிச்சுமணி என்ற உடன் இருவரும் கண் கலங்கி விட்டனர்.

சரி. .. சுக்கிரனின் விசேஷ தன்மைகளை சொல்றேன் கேட்டுக்கோ.

1. சுக்கிரன் களத்திரஸ்தானத்தில் அமர்ந்தால் களத்திர தோஷம் ஏற்படும்.

2. சுக்கிரனுக்கு ஏழில் பாபிகள் இருந்தால் தாமத திருமணம் ஏற்படும்.

3. சுக்கிரனுக்கு இருபுறமும் பாபிகள் இருப்பின் களத்திர தோஷம் ஏற்படும்.

4. சுக்கிரன் 6,8,12 போன்ற இடத்தில் இருப்பின் களத்திர தோஷம் ஏற்படும்.

5. சுக்கிரன் நீசம் (அ)பகை கிரகத்தோடு இருப்பின் களத்திர தோஷம் ஏற்படும்.

6. லக்னாதிபதி கேந்திரத்தில் அமைந்து சுக்கிரன் 2ல் இருந்தால் உரிய காலத்தில் திருமணம் நடைபெறும்.

7. சுக்கிரனுக்கு ஏழாம் வீட்டில் செவ் வாய்- ராகு இருப்பின் கலப்பு திருமணம் ஏற்படும் அல்லது மற்றொரு பெண்ணுடன் உறவு வைத்திருப்பார்.

8. லக்கினத்திற்கு 7ல், சந்திரனுக்கு 7ல், சுக்கிரனுக்கு 7ல், சனி, ராகு இருப்பின் ஆண்மை இருக்காது.

9. சுக்கிரன் – குரு சேர்க்கை சுகம் அனுப விக்க முடியாது.

10. ஒருவர் ஜாதகத்தில் களத்திர காரகனான சுக்கிர கிரஹம் மறைந்து விடில், மண வாழ்க்கை ருசிக்காது. சோபிக்காது, சுக்கிரனுக்கு 7ல் ராகு, கேது, சனி சூழ்ந்து விட்டால் மண வாழ்வு கானல் நீராகிவிடும்.

11. ஏழரை சனி நடைபெறும் போது குரு பலம் இல்லாமல் திருமணம் நடைபெற்றால், ஏழரைச் சனி காலத்திலேயே களத்திர தோஷம் ஏற்பட்டு பல பிரச்சனைகளை சந்திக்க வேண்டி வரும்.

12. சுக்கிரன் சந்திரனுக்கு 7ல் அமையப் பெற்றால் தாமதமாக திருமணம் நடைபெறும்.

13. ஒருவருக்கு இருந்து, மற்றொருவர்க்கு இல்லையேல் மணவாழ்வு பாதிக்கப்படுகிறது.

14. சுக்கிரன் 4,7,10ல் கேந்திரத்தில் இருப்பின் கேந்திர தோஷம் ஏற்படுகிறது. திருமணத் தடை ஏற்படும்.

சுக்கிரனுடன் இணையும் கிரகத்தைக் கொண்டு, வரும் மனைவியின் குணத்தை அறியலாம்.

சுக்கிரன் – குரு, இணையின், பக்திமான், தருமவான், தயாள குணமுடையவள்.

சுக்கிரன் – புதன் சேர்ந்திருப்பின், புத்திசாலி, கல்விமான், திறமைசாலியாக இருப்பாள்.

சுக்கிரன் – சந்திரன் சேர்க்கை, குணவதி, காம உணர்ச்சி மிக்கவள், தாம்பத்தியத்தில் அதிக ஈடு உடையவள்.

சுக்கிரன் – சூரியன் இணைவு, கோப குணமுள்ளவள், மூர்க்கத்தனமுள்ளவள், சதா சர்வகாலமும் குற்றம் கண்டு பிடிப்பவள்.

சுக்கிரன் – செவ்வாய் சேர்க்கை, பிடிவாதக்காரி, சண்டை சச்சரவு, அடிதடிகள் செய்பவள், வம்பு, வழக்கு என்று இருப்பவள், காம உணர்ச்சி மிக்கவள்.

சுக்கிரன் – சனி சேர்க்கை கடினமான உழைப்பவள், வயதுக்கு முதிர்ந்த தோற்றமுடையவள். காம உணர்ச்சி மிக்கவள்.

சுக்கிரன் – ராகு இணைப்பு சதாபோக இச்சைக்கு அலைபவள், தாழ்ந்த மனப் பான்மை உள்ளவள், தாழ்ந்தவர்களோடு இணைபவள்.

சுக்கிரன் – கேது சேர்க்கை, நல்லபோகி, யோகிபோல் இருந்து போகம் புரிபவர்கள், காம உணர்ச்சிக்கு கட்டு படாதவர்கள் நீச செயலில் ஈடுபடுவார்கள்.

இல்வாழ்வு மிக இனிமையான வாழ்க்கை அமைய, மேற்கூறிய முறையை இனியாவது அனுசரிப்போம். நல்ல வரன்களை தேர்ந்தெடுப்போம். அப்போதுதான் இல்லற வாழ்வு இனிமையாக அமையும்.

வாழ்க வளமுடன்

=========================

நன்றி; மந்திரம்

===================

 

மன வலிமையை அதிகரிக்கும் ஸோஹம் தியானம்.....................                         

ஸோஹம் தியானத்தை தொடர்ந்து செய்து வந்தால் சக்கரங்களின் ஆற்றல் அதிகரிக்கும். மன வலிமை கூடும். நினைத்த காரியத்தை செய்து முடிக்கும் ஆற்றல் உண்டாகும்.

யோகிகளாலும், சித்தர்களாலும், ஞானிகளாலும் யோகம் மற்றும் வேதாந்தமான உபநிஷத்துக்களில் புகழ்ந்து கூறப்பட்டுள்ள ஒரு பயிற்சியாக ஸோஹம் தியானம் உள்ளது.

ஒரு மனிதன் தனது சிறைவடிவான ஆன்மாவை அறிய ஸோஹம் தியானத்திற்கு ஒப்பான ஒரு உபாசனையோ, ஜபமோ இல்லை என்று தியான பிந்து உபநிஷத்து கூறுகிறது. முக்தி அடைய யோகிகளுக்கு ஸோஹம் தியானம் ஒரு பொக்கிஷம் போல் உள்ளது என்று ஹம்ஸோப நிஷத்து கூறுகிறது.

சரபோக நூல்களான சிவ ஸ்வரோதயா மற்றும் ஞான சர நூலிலும் சரயோக சாற்கள் ஜீவன் முக்தி நிலையை அடைய ஸோஹம் தியானப் பயிற்சியை கூறி உள்ளது.

பெயர் விளக்கம் :- மூச்சின் இயக்கத்தில் இயற்கையாகவே இருக்கும் ஹம்ஸோ என்ற சூட்சும நாதத்தை ஸோஹம் என்று மாற்றி ஜப தியானம் செய்வதால் ஸோவும் தியானம் என்று இப்பயிற்சி அழைக்கப்படுகிறது.

செய்முறை-1 :- அனுகூலமான தியான ஆசனத்தில் அமரவும். முழங்கால் முட்டிகளின் மேல் இரண்டு கை விரல்களால் சின்முத்திரை செய்யவும். கண்களால் சாம்பவி (கண்களால் புருவ நடுவை பார்க்கவும்) அல்லது அகோசரி (கண்களால் மூக்கு நுனியை பார்க்கவும்) செய்யவும். உடல் முழுவதையும் தளர்வாக வைத்துக் கொள்ளவும். சுவாச இயக்கத்தில் மூச்சுக் காற்று உள்ளே செல்வதை அமைதியாக ஒரு நிமிடம் கவனிக்கவும்.

இப்போது மூச்சுக்காற்றோடு ஸோ என்ற நாதத்தை (ஓசையை) மனதால் ஜபித்துக் கொண்டு ஆக்ஞா சக்கரத்திலிருந்து மூலாதார சக்கரம் வரை கவனம் செலுத்த வேண்டும். மூச்சுக் காற்றை வெளியே விடும்போது மூச்சுக் காற்றோடு ஹம் என்ற நாதத்தை ஜபித்துக் கொண்டு மூலாதாரத்திலிருந்து அக்ஞா சக்கரம் வரை கவனம் செலுத்த வேண்டும்.

ஒரு சங்கிலித் தொடர் போல், உள் மூச்சில் உடலின் முன் பக்கத்தில் புருவ நடுவில் உள்ள ஆக்ஞாவி லிருந்து மூலாதாரம் வரை கவனம் செலுத்தி தொடர்ந்து வெளிமூச்சின் போது மூலாதாரத்திலிருந்து உடலின் பின் பக்கத்தில் முதுகின் வழியாக புருவ நடுவுக்கு நேராக உள்ள தலையின் பின் பகுதி வரை கவனம் செலுத்தவும்.

இப்பயிற்சியின் போது பிராணாயாம பயிற்சி போல மூச்சுக் காற்றை ஆழமாக உள்ளுக்கு இழுக்கவோ வெளியே விடவோ கூடாது. மூச்சின் இயக்கம் இயற்கையாக இருக்க வேண்டும்.

உங்கள் மூச்சுடன் உங்கள் உணர்வும் இணைந்து ஸோ-ஹம் என்ற நாதத்தை உண்டு பண்ண வேண்டும். அதே சமயம் சக்கரங்களை ஒன்றன்பின் ஒன்றாக தொடர்ந்து நினைக்க வேண்டும். வேகமில்லாமல் அமைதியாக எந்த அளவிற்கு மூச்சுடன் லோ-ஹம் என்ற ஆசையை முழு விழிப்புணர்வோடு உண்டு பண்ணுகிறீர்களோ, அந்த அளவிற்கு விரைவில் புலன் வழி செல்லும் புற உலக உணர்வு குறையும். நீண்ட நேரம் தியானம் செய்தாலும் சில நிமிடமே கழிந்தது போல இருக்கும்.

செய்முறை-2 :- அனுகூலமான தியான ஆசனத்தில் அமரவும். முழங்கால் முட்டிகளின் மேல் கைவிரல்களால் சின்முத்திரை செய்யவும். கண்களால் அல்லது அகோசரி முத்திரை செய்யவும். உடல் முழுவதையும் தளர்வாக வைத்துக் கொள்ளவும். சுவாச இயக்கத்தில் முச்சுக்காற்று உள்ளே செல்வதையும் வெளியே வருவதையும் அமைதியாக ஒரு நிமிடம் கவனிக்கவும்.

இப்போது மூலாதார சக்கரத்திலிருந்து அக்ஞா சக்கரம் வரை உடலின் முன் பக்கதத்திலிருந்து கவனம் செலுத்திக் கொண்டு வந்து ஆக்ஞாவிலிருந்து தலையின் பின் பகுதி வழியாக முதுகெலும்பின் கீழ் உள்ள மூலாதார சக்கரம் வரை கவனம் செலுத்த வேண்டும். மூலாதாரத்திலிருந்து ஆக்ஞா வரை கவனம் செலுத்தும் போது மூலா என்ற ஒன்று மேல் நோக்கி செல்வதாகவும், ஆக்ஞாவிலிருந்து மூலாதாரம் வரை கவனம் செலுத்தும் போது ஹம் என்ற ஓசை கீழ் நேக்கி செல்வதாக மனதால் நினைக்க வேண்டும். அப்படி நினைக்கும் போது  மூலாதாரத்தில் இருந்து ஆக்ஞா, ஆக்ஞாவிலிருந்து மூலாதாரம் வரை மீண்டும் மீண்டும் உங்கள் உணர்வு சக்கரங்கள் உள்ள உடல் பகுதியின் மீது மட்டுமே இருக்க வேண்டும். சுவாச இயக்கத்தின் மீது கவனம் செலுத்தக் கூடாது.

செய்முறை 1ல் மூச்சுக் காற்றோடு இலோ-ஹம் என்ற ஒலியை உண்டாக்கிச் செய்யும் லோவும் தியானமுறை கூறப்பட்டது. செய்முறை 2-ல் மூச்சுக் காற்றோடு இணைந்து லோ-ஹம் மந்திரத்தை தியானிக்காமல் சக்கரங்களை மட்டும் நினைத்து லோ-ஹம் தியானத்தை செய்யும்படி கூறப்பட்டுள்ளது.

பயிற்சி குறிப்பு : இந்த பயிற்சியை தினமும் காலை, மாலை இரண்டு வேளையும் செய்ய முடியாதவர்கள் செய்முறை பயிற்சி-1ஐ யோ அல்லது செய்முறை பயிற்சி 2ஐ யோ ஒரு நாளில் ஒருவேளை பயிற்சி செய்யலாம். இரண்டு தியான முறைகளையும் செய்ய முடியாதவர்கள் தொடர்ந்து ஒரு தியான முறையை கடைப்பிடிக்கலாம்.

இந்த பயிற்சியை வெறும் வயிற்றோடு இருக்கும் போது எப்போது வேண்டுமானாலும் செய்யலாம். உணவு உட்கொண்ட பிறகு 4 மணி நேரம் கழித்து இந்த தியான பயிற்சியை செய்யலாம். காலை சூரிய உதயத்திற்கு முன்பும், மாலை சூரிய அஸ்தமனத்தின் போதும் இந்த தியான பயிற்சியை செய்வது சிறந்தது.

பலன்கள் : சக்கரங்களின் ஆற்றல் அதிகரிக்கும். மன வலிமை கூடும். நினைத்த காரியத்தை செய்து முடிக்கும் ஆற்றல் உண்டாகும். மன அழுத்தம் நீங்குவதற்காக செய்யும் பவன முக்தாசனம், பிராணாயாமம், தியானம் ஆகிய முன்னேற்றம் ஒன்றன்பின் ஒன்றாக செய்ய முடியாதவர்கள் பிராணாயாமம் அல்லது தியான பயிற்சியை மட்டும் கூட செய்யலாம். பவன முக்தாசனம், பிராணாயாமம், லோ-ஹம் தியானம் ஆகிய மூன்றில் எதை பயிற்சி செய்தாலும் பயிற்சியின் முடிவில் சுவாசத்தில் ஓய்வாக 5 நிமிடம் இருக்க வேண்டும்.

courtesy;maalaimalar tq

======================================

Soham (Sanskrit)

From Wikipedia, the free encyclopedia

Jump to navigationJump to search

This article contains Indic text. Without proper rendering support, you may see question marks or boxes, misplaced vowels or missing conjuncts instead of Indic text.

Soham or Sohum (सो ऽहम् so 'ham or so 'Hum^[1]) is a Hindu mantra, meaning "I am She/He/That" in Sanskrit.^[2][3]

In Vedic philosophy it means identifying oneself with the universe or ultimate reality.^[2]

The mantra is also inverted from so 'ham (the sandhi of saḥ + aham) to ham + sa. The combination of so 'haṃ haṃsaḥ has also been interpreted as "I myself am the Swan", where the swan symbolizes the Atman

https://yogainternational.com/article/view/soham-a-step-by-step-approach

================================

 

எட்டாம் அதிபதி தரும் வீபரீத ராஜயோகம்! - க. காந்தி முருகேஷ்வரர்

எட்டாமிடம் என்றாலே நஷ்டம், கஷ்டத்தைக் குறிப்பிடும் இடம்தான். அஷ்ட மாதிபதி எந்த இடத்தில் நிற்கிறதோ அந்த இடத்தை பாதிக்கும். எட்டாமதிபதி 3, 6, 8, 12 ஆகிய இடங்களில் நிற்பது மட்டுமே சிலருக்கு விபரீத ராஜயோகத்தைத் தரும். ராஜயோகம் என்றால், எல்லாம் இருந்தும் எதையும் உருப்படியாக அனுபவிக்க முடியாது. ஆனால் நான்கு பேர் ஜாதகரைப் பார்த்து, "அவருக்கென்னப்பா' என சமூக அந்தஸ்தைத் தருவதுதான் ராஜயோகம்.

அனுபவிக்கவேண்டிய வயதில் கிடைக்காமல், முடியாத காலங்களில் ஜாலவித்தை தருவது தான் ராஜயோகம். பிறந்ததற்கு ஏதாவது சாத னை செய்யவைப்பதே விபரீத ராஜயோகம்.

எந்த யோகமும் இல்லாதவர்களே பெரும்பாலும் நிம்மதியாக- சராசரி மனித வாழ்க்கையை வாழ்கிறார்கள். நாம் எவ்வளவு பெரிய சாதனையாளனாக இருந்தாலும், குடும்பத்தில் இருப்பவர்கள்கூட காலப் போக்கில் சாதனைகளையும், சாதனையாளரையும் மறந்தே போய்விடுவார்கள். எதுவும் நிலையில்லா வாழ்க்கையில், கிடைக்கும் நாளைய விதியை ஏற்று வாழ்ந் தால்தான் சந்தோஷமாக வாழமுடியும். எதிர்பார்ப்புகளே ஏமாற்றத்திற்கு முதல் காரணம். வெற்றியைப்போல தோல்விகளும் நிரந்தரமானவையல்ல. இருப்பதில் சுகம் காண்பதே நல்வாழ்க்கை. நஷ்டம், கஷ்டமெல்லாம் மனம் நினைத்தால்தான். ஆழ்மனதை, அதன் எண்ணம், செயலைக் குறிப்பதும், அதனை மாற்றுவதும் ஜாதகரின் எட்டாமிட வலுத்தன்மையைப் பொருத்தே இருக்கும்.

மனிதனின் ஆயுளைத் தீர்மானிக்கும் மிக முக்கிய இடமான எட்டாமிடத்தை அறிய, ஜாதகரின் எட்டாமிட அதிபதி எந்தெந்த இடத்தில் இருந்தால் என்னென்ன பலன் தரும் என்பதில் அடங்கியுள்ளது. இனி எட்டாமதிபதி நிற்கும் இடங்களின் பலன்களைக் காணலாம்.

ஒன்று

பிறந்ததிலிருந்து தொல்லைகளை அதிகம் சந்தித்திருப்பவர். குடும்பத்தில் ஜாதகர் அல்லது யாராவது நோய், எதிரி, கடனால் அவதிப்பட்டுக்கொண்டே இருப்பர். எந்த காரியத்தை எடுத்தாலும் எதாவதொரு தடை வரும். முன்னோர்கள் சொத்துகளைப் பாதுகாக்கத் தெரியாதவராக இருப்பார். எட்டாமதிபதியுடன் பாவகிரகப் பார்வை, இணைவு, 6, 12-க்குரியவர்களும் இணைந் தால் இந்த ஜென்மமே போராட்டம்தான். ஆரோக்கியக் குறையையும், தோல்விகளை யுமே அதிகம் சந்திக்க வேண்டியதாக இருக்கும். சனி பலம்பெற்றால் ஏதாவது உடல் ஊனம் அல்லது அழகற்ற தோற்றத்தையும் தந்துவிடும். ஆயுள் குறைவு, வறுமையை அதிகம் சந்திக்க வேண்டியதிருக்கும். சர்ப்ப கிரகம் வலுத்தால் மருத்துவமனை, சிறைச்சாலையில் வாழ்நாளைக் கடத்த நேரும். எட்டாமதிபதி தசை வராமல் இருத்தல் நல்லது. சுப பலம்பெற்றால் அதிக முயற்சியில் ஜீவன பலனுண்டு. நினைத்தபடி வாழ்க்கை இருக்காது.

இரண்டு

எட்டாமதிபதி லக்னத்திற்கு இரண்டில் இருந்தால் வாய்ப் பேச்சால் வம்பு வளர்க்கும். குடும்ப ஸ்தானம் என்பதால், குடும்பத்தில் ஏதாவது தொல்லை வந்துகொண்டே இருக் கும். ஏதோ செய்வினை வைத்ததுபோல் எடுத்த காரியம் அனைத்தும் தாமதமாகவே நடக்கும். அவ்வப்போது மனச்சோர்வு, விரக்தி வந்துவிடும். கணவன்- மனைவிக்கிடையே அடிக்கடி மனஸ்தாபம் ஏற்படும். யாருக்கு வாக்கு கொடுத்தாலும் காப்பாற்ற முடியாது. தன ஸ்தானத்தில் எட்டாமதிபதி இருப்பது, பணத்தால் பிரச்சினை, பணமே பிரச்சினையாய் நிற்கும். கல்வித் தகுதிக்குக் கீழான வேலை, உண்மை, உழைப்பு இருந்தாலும் அதற்கான கூலி, அங்கீகாரம் இல்லாத நிலை யைத் தரும். பேச்சில் கண்டிப்பும், கடுமையும், கெட்ட வார்த்தைகளும் உபயோகிப்பர். குத்திக்காட்டிப் பேசுவது, சந்தேக புத்தி, சபல புத்தியைத் தந்து துன்பத்தை அதிகம் சந்திக்கவைக்கும். கையில் பணம் தங்காது.

கஞ்சனாக இருந்தாலும் மிச்சம் வைக்க முடியாது. பணவரவு தேவையைவிட குறை வாகவே இருக்கும். சேமித்தல் குறைவாகும்.

கல்வியில் தடை ஏற்படும்; கல்வியில் ஊக்க மிருக்காது. சுப பலம்பெற்றால் டிப்ளமோ படிப்பர். கண் நோய், உடல்நலக்குறை அடிக்கடி நேரும். சம்பாதிக்கும் நேரத்தில் உடல் ஒத்துழைப்பின்றி பலவீனப்படுவர். என்றாலும் படிப்படியாய் முன்னேறி பெரிய இடத்தை அடைவர்.

மூன்று

சகோதர ஸ்தானம் என்பதால் அவர் களுடன் ஒற்றுமையாய் இருக்கவிடாது. காரணமே இன்றி பேசமாட்டார்கள். ஜாதகருக்கு நேர்மையாய் கிடைக்கவேண்டிய பெற்றோர் சொத்துக்களைக்கூட உடன்பிறந் தோர் பறித்துக்கொள்வர். நன்றிகெட்ட சகோதரர்களே அமைவர். தைரிய ஸ்தானம் என்பதால், வெளியே தைரியசாலிபோல காட்டிக்கொள்ளும் பயந்த சுபாவம் கொண்டவர். பயத்தை மறைக்க அதிக சப்தமிடுவார். காது சம்பந்தப்பட்ட நோய் உண்டாகும். எட்டாமதிபதி தசாபுக்திகள் நோயால் அவதிப்பட வைக்கும். பாவகிரகப் பார்வை, சேர்க்கை கெடுபலனை அதிகப் படுத்தும். கற்பனையால் பாதிப்பு உண்டாகும். எட்டாமதிபதி இன்னொரு மறைவிட அதிபதியான மூன்றாமிடத்தில் வருவது விபரீத ராஜயோகத்தைத் தரும் என்பார்கள். லக்னாதிபதிக்கு எதிரி கிரகமாக இருந்து, அந்த பாவகிரகம் மூன்றா மிடத்தில் நின்றால் தீமையான பலன்கள் குறையும். மற்றபடி கெடுபலனைத் தான் அதிகம் செய்யும். சுப கிரகப் பார்வைகள் பாக்கியத்தை தடையுடன் தரும். நிறைய சிரமங்களை உடன்பிறந்தவர் களால் அனுபவிப்பர்.

நான்கு

எட்டாமதிபதி நான்காமிடமான தாயார் ஸ்தானத்தில் அமர்வது தாயாரை பாதிக்கும். தாயாருக்கு உடல்நலக் கோளாறு, அவ மானம், தன்மான இழப்பு, தாயார் பிரிவு, தாயார் எதிரியாவது, தாயாருக்கு எதிரியால் தொல்லை ஏற்படுவது, தாயாருக்கு கடனால் அவதி போன்றவற்றைத் தரும். தாய்மாமன், தாயார் ஆதரவு கிடைக்காது. சொல்லமுடியா வேதனையைத் தாயாருக்கு ஏற்படுத்தும். சுக ஸ்தானம் என்பதால் ஜாதகர் வாழ்க்கையில் எப்போதும் தொல்லைகள் இருக்கும். சுகத்தை முழுமையாக அனுபவிக்க விடாது. ஒரு சந்தோஷம் வந்தால் பத்து கஷ்டம் வந்து சந்தோஷத்தை அனுபவிக்க முடியாமல் செய்யும். ஏதாவது தடை, மனக் குழப் பத்தைக் கொடுத்து நிம்மதியிழக்கச் செய்யும். வீட்டைக் குறிக்கும் இடமாதலால் ஜாதகர் பெயரில் எந்த சொத்துகள் இருந்தா லும் வீண் விரயம், வில்லங்கம் ஏற்படும். பிடிக்காத வீட்டில் குடியிருத்தல், சுற்றுப் புற சுகாதாரமில்லாத, பாதித்த வீடு அமையும்.

வீட்டின் பெயரில் கடன் உண்டாக்கும். வாகனம் சரியாக அமையாது. வாகன விபத்து ஏற்படும். சுபகிரகம் சம்பந்தப்பட்டால் கட்டிய வீடு, பழைய வாகனம் கிடைக்கும். நிலம், வீடு, வாகனம் அடிக்கடி செலவு வைக்கும். உறவினர் ஸ்தானம் என்பதால் நல்ல உறவுகள் அமையாது. உறவினரால் தொல்லை, உறவுகளால் நீதிமன்ற வாசல் ஏறவேண்டி இருக்கும். பொறாமைகொண்டு கெடுக்கும் சொந்தங்களே இருப்பர். சுபகிரகப் பார்வை, இணைவு, நல்ல தசைகளில் ஓரளவு நற்பலன் கிடைக்கும்.

ஐந்து

எட்டாமதிபதி ஐந்தில் இருந்தால் பூர்வ புண்ணியம் கெட்டுவிட்டதென சொல்லிவிடலாம். பல தலைமுறையாய் வாழ்வாங்கு வாழ்ந்த பரம்பரையில் இருக்கும் பூர்வீக சொத்துகள் ஜாதகருக்குப் பலன் தராது. பங்காளிகள் செய்வினை வைத்தல், குல தெய்வத்தைப் பழித்தல், குலதெய்வம் செயல்படாதபடி கட்டுப்போட்டு வைத்திடு வர். அதனால் குலதெய்வத்தைக் கும்பிட்டும் பலனில்லாமல் இருக்கும். சிலர் குலதெய்வம் யாரென்று தெரியாதபடி பரதேசம் சென்றிருப்பர். பரம்பரை பரம்பரையாய் புத்திரதோஷம் பெறுவர். குழந்தை பிறக் காமல் இருத்தல், குழந்தை ஊனமாகப் பிறத்தல் போன்றவை நிகழும். சுபகிரகப் பார்வை பெற்றால் பாதிப்பிருக்காது. அதே வேளையில் பிள்ளைகளால் அவமானம், தொல்லை அல்லது கடைசி காலத்தில் பிள்ளைகளுடன் வசிக்கமுடியாத நிலையைத் தரும். பிள்ளைகள் இருந்தும் பயனற்ற தாகவே இருக்கும். சொந்தபந்தம் பகையுடன் இருப்பர். சுப ஸ்தான கிரகம் எட்டாமதி பதியுடன் சேர்ந்தால் அந்த ஸ்தானம் பாதிக்கப்படும். குறிப்பாக இரண்டாமதிபதி சேர்ந்தால் குடும்பம் கெட்டுவிடும். சுபகிரகம் பலம்பெற்றால் ஓரளவு தீமை குறையும். எட்டாமதிபதியுடன் எந்த இடத்தில் ராகு- கேதுக்கள் இணைந்தாலும் சுபப் பலனைக் கெடுக்கும்.

ஆறு

எட்டாமதிபதி ஆறில் நிற்பது விபரீத ராஜயோகமே. அதாவது மறைவிட அதிபதி இன்னொரு மறைவிடத்தில் மறைவது சிறப்புதான். அதில் பாவகிரகம், லக்னத்திற்கு எதிரி, கெடுதலான கிரகம் இணைந்தாலும் கெடுபலன் நிறைய குறைந்துவிடும். வாழ்க்கையில் நன்மை நடப்பதைவிட, தீமை குறைந்தோ, தீமை இல்லாமலோ இருந்தாலே யோகம்தான். கெட்ட எண்ணம் அதிகம் கொண்டவர். கெட்டவன் கெட்ட கிரகமாகிக் கெட்டால் கிட்டுவது ராஜயோகம்தான். அதன்படி நல்ல வருமானம், அந்தஸ்து, புகழ் என திடீர்திடீரென ஏற்படுத்தும். செய்யும் காரியங்கள் அனைத்தும் வெற்றியாகும். நல்லவனுக்குக் கிடைக்கவேண்டிய அனைத்து மரியாதையும் இவர்களுக்கும் கிடைக்கும். நேர்வழியில் செயல்படாமல் தந்திரமாக செயல்படுவர். ஏதாவது நோயால் அவதிப்படுவர். புத்திர தோஷம் உண்டாகும். ஜாதகருக்கே ஆச்சரியம் தரும் நிகழ்வுகள் வாழ்க்கையில் நடக்கும். ஆனாலும் நல்லவழியில் அனைத்தும் கிடைக்காது. ஏதாவது குறை இருந்துகொண்டே இருக் கும். அனைத்தும் கிடைப்பதுபோல் காவல் நிலையம், நீதிமன்றம், சிறை செல்வது சர்வசாதாரணமாக இருக்கும். பணம் இருக்குமளவு நிம்மதி இருக்காது. உடன் இருப்பவர்களால் வஞ்சிக்கப்படுவர். நோயால் பாதிக்கப்படுவர். பிரச்சினையில் சிக்கிக்கொண்டால் அதுவரை புகழ்ந்தவர் களே, "இவன் பண்ணதுக்கு அனுபவிக்கிறான்' என சொல்வார்கள்.

ஏழு

எட்டாமதிபதி ஏழில் நின்றால் களத்திர பிரச்சினை வரும். துணைவர் திருமணத்திற்கு முன்பு உடல் ஆரோக்கியத்தோடு நன்றாக இருந்தாலும், திருமணத்திற்குப்பின்பு படாதபாடு படுவார். சம்பாதிக்கும் வருமானம் துணைவரின் மருத்துவச் செலவுக்குப் போதாது. போராட்டமான இல்வாழ்க்கையே இருக்கும். வருமானமின்றி அவதிப்படுவார். அதனால் கணவன்- மனைவிக்கிடையே நல்ல உறவு இருக்காது. ஊருக்கு கணவன்- மனைவியாக வாழ்வர். சிலர் இன்னொருவருடன் மறைமுக வாழ்க்கையை வாழ்வர். சந்தேக புத்தியால் துணைவரைப் பிரிவர். சிலர் இருக்கும் கொடுமையான வாழ்க்கையைவிட்டு வரமுடியாமலும், புதிய நல்வாழ்க்கையை அமைத்துக்கொள்ள முடியாத சூழ்நிலை யிலும், வாய்ப்பு கிடைத்தும் பயன்படுத்த முடியாத சூழலும் அமைந்து தவிப்பர். அடிக்கடி நோய், கடனால் அவதிப்படுவர். மனைவிமேல் அன்பு செலுத்தமாட்டார். குறைகூறிக்கொண்டே இருப்பார். மனைவிக்கு அற்ப ஆயுள் தரும். பிற பெண்களை நம்பி ஏமாறுவார். பெண்களால் கலகம், அவமானம், இகழ்ச்சி நஷ்டமே ஏற்படும். ஏழாமிடம் தொழில்வகை நண்பர்களைக் குறிக்கும் இடமென்பதால், நல்ல நண்பர்கள் அமைய மாட்டார்கள். துரோகிகள் அமைவர். கூட்டுத்தொழில் செய்தால் கூட்டாளிக்கே நன்மை அதிகம். கூட்டாளி லாபத்தை வைத்துக் கொள்வார் அல்லது நஷ்டக் கணக்கு காட்டி தொழிலி- ருந்து ஜாதகரை விலகவைத்து விடுவார். அதனால் நண்பர்களுக்காக விட்டுக் கொடுக்கவேண்டி வரும். நல்லவர்கள் உறவு கிடைப்பது அரிதாக இருக்கும். தனிமையே இவர்களுக்குத் துணை.

எட்டு

எட்டாமதிபதி எட்டில் இருப்பது, தான் நினைத்ததை உடனே செய்யவேண்டும் என்னும் எண்ணம் கொண்டவராக்கும். யாரையும் கலந்தாலோசிக்காமல், தனக்கு எல்லாம் தெரியுமென்னும் கர்வத்துடன் செயல்பட்டு நஷ்டமடைபவர்களில் பலருக்கு எட்டாமதிபதி எட்டில் ஆட்சியாக இருக்கும். சுபகிரகப் பார்வையானது குறைந்த நஷ்டத்தைத் தரும். பாவகிரகம் வலுப்பெற் றால் இருப்பதை இழந்து நிற்பர். பாதக தசை நடந்தால் தெருவுக்கு வந்துவிடுவர். மாரக தசாபுக்தி நடந்தால் தற்கொலையும் செய்துகொள்வர். சுப பலம், ஆயுள் பலம் இருக்குமே தவிர நன்மைகள் குறைவாகவே நடக்கும். வாழ்க்கையில் ஏதாவது போராட் டங்கள் இருந்துகொண்டே இருக்கும். இருப்பதைத் தக்கவைக்கத் தெரியாத முட்டாளாக இருப்பார். சொல்லித் திருத்த முடியாது. சுபகிரக பலத்தால் பட்டுத் தானாகத் திருந்துவார். அஷ்டமாதிபதி லக்னத்திற்கு நட்பு கிரகமாக இருந்து, லக்னாதிபதிக்கு நட்பு கிரகத்துடன் இணைவு பெற்று, ஆட்சி, உச்சமடைந்து சுபத்தன்மை பெற்றால் விபரீத ராஜயோகம் தருகிறது. பெயர், புகழ், அந்தஸ்தை யாரும் எதிர்பாராத நேரத்தில் எதிர்பாராமல் தந்து ஆச்சரியப்படுத்தும். அவ்வளவுதான் என நினைக்கும் நேரத்தில் இழந்ததைத் திரும்பப் பெறுவர். திடீர் அதிர்ஷ்டம் திக்குமுக்காட வைக்கும். ஏற்கெனவே பட்டதை நினைத்து வாழ்ந்தால் பாதிப்பு இருக்காது. முதல் பாதியில் கஷ்டப்பட்டு வாழ்நாள் முழுவதும் கஷ்டமின்றி சுகவாசியாய் இருப்பர்.

ஒன்பது

எட்டாமதிபதி ஒன்பதில் இருப்பது தந்தைக்கு சோதனை பல ஏற்படுத்தும். தந்தையால் வாழும் வயதில் வாழமுடியாது. தந்தைக்கு ஆயுள் பலவீனமான ஜாதகமாக இருந்தால் தந்தையின் ஆயுளையே பாதித்துவிடும். ஆயுள் நன்றாக இருந்தால் தாயைவிட்டு இன்னொரு பெண்ணை மணந்து விலகிவிடுவார் அல்லது இன்னொரு பெண்ணோடு தொடர்பில் இருப்பார். தாய்- தந்தைக்குள் அடிக்கடி சண்டை, சச்சரவு உண்டாகும். சிலருக்கு தந்தையால் பாதிப்பு, தந்தைக்கு பாதிப்பைத் தந்துவிடும். தந்தைக்கு எதிராக, எதிரியாகக்கூட ஜாதகர் இருப்பார். சுபகிரக இணைவு, பார்வையைப் பொருத்து பாதிப்பு குறையும். சில ஜாதகர்கள் தாய்- தந்தையைப் பிரிந்து வாழநேரும். தந்தைக்கு நோய், எதிரி, கடனால் பாதிப்பு ஏற்படும். தந்தைவழி சொத்துகளில் வில்லங்கம் ஏற்படும். முறையாகக் கிடைக்கவேண்டிய தந்தைவழி சொத்துகள் கிடைக்காது அல்லது இல்லாமல் போய்விடும். மேலும் புத்திரதோஷம், புத்திரர்களால் தொல்லையை அனுபவிக்க நேரும். தந்தையால் அல்லது மகனால் ஜாதகருக்கு ஏதாவது பிரச்சினை வந்துகொண்டே இருக்கும். கடவுளை வேண்டி, வேண்டியபடி நடக்காததால் விரக்தியால் "கடவுள் இல்லை' என நாத்திகம் பேசுவர். ஆன்மிகத்தையே வெறுப்பர். தன்னுடைய மதத்தின்மீது பற்றில்லாதவராகவும், கொண்டாட்டங்களை விரும்பாதவராகவும் இருப்பர். பிறருக்காக வாழாமல் தான் நினைத்தபடி வாழ்வர்.

பத்து

தொழில் ஸ்தானமான பத்தில் எட்டாமதிபதி நின்றால் தொழிலைக் கெடுப்பார். சரியான தொழில் அமையாது. படித்த கல்விக்கேற்ற வேலை, உழைப்பிற் கேற்ற ஊதியம், முறையான மரியாதை எதுவும் கிடைக்காமல் தொழிலால் அவமானப் படுவார். எவ்வளவு முயற்சித்தாலும், விழிப்போடு இருந்தாலும் தொழிலில் நஷ்டமடைவார். அதனால் குடும்ப உறுப்பி னர்கள், மனைவி, மாமியார், சொந்த பந்தத்தால் அவமானப்படுத்தப்படுவார். நிலையான தொழில், ஒரே தொழிலில் இருக்கமாட்டார். எதிலாவது சாதிக்க நினைத்து அடிக்கடி தொழில் மாற்றம் செய்வார். அல்லது ஒரே தொழிலில் இருக்கமுடியாமல் பணிநீக்கம் செய்யப்படுவார். அரசாங்கத்தால் கண்டிக்கப்படவும், தண்டிக்கப்படவும் நேரும். பெரிய மனிதர்களுடன் மோதல், பிரச்சினை ஏற்படும். யாரையும் எளிதில் பகைத்துக்கொள்வார். நாணயமாக நடந்துகொள்ளமுடியாது. எடுத்த காரியம் அனைத்தும் மந்தமாகவே நடைபெறும். பாவகிரகப் பார்வை, சம்பந்தம் பெற்றால் அவதிகள் பலவுண்டு. கூட்டுத்தொழில் நஷ்டத்தைத் தரும். முன்னேற முடியாமல் புலம்புவர். சுப பலம்பெற்றால் சொந்தத் தொழில் செய்யமாட்டார்கள். அடிமைத் தொழிலில் கிடைப்பதை வைத்து வாழ்வர். படிப்படியாகத் தொழிலில் முன்னேற்றம், பணி உயர்வு கிடைக்கும். சுபகிரக இணைவு, பார்வை பெற்ற சிலர் சிறிய அரசு சார்ந்த தொழிலில் சுமாரான வாழ்க்கையை சந்தோஷமாக வாழ்ந்துகொண்டிருப்பர்.

பதினொன்று

மூத்த சகோதர வர்க்கத்தினரால் தொல்லைகள் பல அனுபவிப்பர். தனக்கு வரவேண்டிய லாபத்தைப் பறிக்கும் மூத்த சகோதரர்கள் அமைவர். ஜாதகரின் முன்னேற்றம், லாபத்தை உடன்பிறந்த வர்களே உடனிருந்து கெடுப்பர். சிலருக்கு அதிர்ஷ்டவசமாக மூத்த சகோதரர்கள் இருக்கமாட்டார்கள். இருந்தால் அற்ப ஆயுள் ஏற்படும் அல்லது தொல்லையே அதிகம் நடக்கும். நண்பர்களையும் குறிக்குமிடம் என்பதால் நண்பர்களால் நஷ்டம் ஏற்படும். பதினோராம் இடம் மூத்த சகோதரர்களைக் குறிப்பதுபோல், ஜாதகரைவிட மூத்த வயது நண்பர்களையும் குறிக்கும். மூத்தவர்கள் சரியான ஆலோசனை வழங்கமாட்டார்கள். முன்னேறிவிட்டால் நம்மை மதிக்கமாட்டான் என நினைத்து நல்ல ஆலோசனைகள் வழங்கமாட்டார்கள். கஷ்டப்படுவதை மறைமுகமாக ரசித்து, ஒப்புக்கு ஆறுதல் சொல்வார்கள். முதியோர்கள், மூத்த சகோதரர்கள், மூத்த நண்பர்களால் அன்பைவிட ஆபத்தே அதிகமாய் இருக்கும். நன்மை நடப்பதைக் கெடுப்பதே உடன்பிறந்த வர்களும் உடன் இருப்பவர்களும்தான் என்பதை காலம்தாழ்ந்தே உணர்வர். வரும் லாபம் எல்லாவற்றையும் அஷ்டமாதிபதி வீண்செலவு செய்யவைப்பார். புத்திரர்களால் லாபம் உண்டாக்குவார். நேர்வழியில் லாபம் தராமல் குறுக்கு வழியில்தான் அதிக லாபத்தைத் தருவார். பல வழிகளில் மறைமுகமானவையே பணத்தைத் தரும். சுபகிரகப் பார்வைகள் தண்டனையின்றி, சோதனைதந்து காப்பாற்றும். பாவகிரகப் பார்வை, இணைவு தவறான வழிக்குச் சென்று அரசாங்க தண்டனையைக் கொடுத்து விடும்.

பன்னிரண்டு

இன்னொரு மறைவிட ஸ்தானமான பன்னிரண்டில் எட்டாமதிபதி நின்றால் வீணான விரயச் செலவுகளைத் தரும். புத்திர தோஷம் உண்டாக்கும். சொந்த ஊரைவிட்டு வெளிநாட்டு வாழ்க்கையைத் தரும். பயணங்களால் பெரிய நன்மைகள் இன்றி மன நிம்மதியைக் கெடுக்கும். காலம் முழுவதும் பிறருக்காக அலைந்து திரிந்து நஷ்டத்தை அடைவார். உண்மையான வேலைக்காரனாக இருப்பார். ஆனால் நிலையான லட்சியம் இல்லாதவர். சட்டத்திற்குப் புறம்பான காரியங்களில், சட்டத்திற்கு எதிராக செயல்படுவார். பலருடன் பழகி, பலரால் ஏமாற்றப்பட்டு, பலவித நஷ்டத்தையும் கஷ்டத்தையும் ஆரம்ப காலங்களில் அனுபவிப்பார். பிறகு சுதாரித்து தன்னை மாற்றிக்கொள்வார். பாவ கிரகம், கெட்டவர், இன்னொரு கெட்ட இடத்தில் நின்று விபரீத ராஜயோகம் தந்து, துணிந்து தீய காரியங்களில் ஈடுபட்டு பணம்சேர்க்கத் தூண்டுவார். திடீர் புகழ், அந்தஸ்து கிடைத்துவிடும். விபரீத ராஜயோகம் என்பது யாரும் நினைத்துப் பார்க்காத வளர்ச்சியைத் தந்துவிடும். அஷ்டமாதிபதி பன்னிரண்டில் இருப்பது கண்டிப்பாக நல்லவழியில் பெரிய வளர்ச்சியைத் தராது. கடல்கடந்து செல்வது, வேற்று மதம், இனம், மொழி, நாட்டைச் சேர்ந்தவர்களால் லாபத்தைத் தரும். மக்களுக்குப் பயன்தராத, மக்களுக்கு பாதிப்பு தரக்கூடிய பொருட்களை முறையற்ற வகையில் கையாண்டு பணம் சம்பாதித்து சொகுசு வாழ்க்கையைப் பெறுவார்.

பரிகாரம்

எட்டாமிடம், அஷ்டமாதிபதி எப்போதும் ஜாதகருக்கு நன்மைகள் செய்யமாட்டார். நின்ற வீட்டையும் கெடுப்பார். ஆதலால் அதற்குரிய தசாபுக்திகள் நடக்கும்போது அதிக கவனமாக இருத்தல்வேண்டும். நேரமறிந்து சுபச் செலவுகள் செய்துகொள்ளுதல் நன்மை தரும். சுய ஜாதகத்தில் சுபகிரகங்களைக் கண்டறிந்து அதனை வலுப்படுத்திக்கொண்டால் தீமைகளைக் குறைத்து நன்மைகளை அடையலாம்.

செல்: 96003 53748
courtesy; Nakkiran/balajothidam tq

============================